1771 сыллаа5ы төрүөх Үнүгэс Моинин диэн Абый кинээһиттэн төрүттээх Слепцова Елена Егоровна 1902 сыллаах төрүөх кыыс Халыма 1 Мээтис нэһилиэгин Сууччун учаастагыттан  төрүттээх Шадрин Александр Дмитриевич (Сууччун Саанньата) диэн киһиэхэ кэргэн тахсан кэлэригэр миинэн кэлбит атын чаппарааҕа уонна кычыма.

Елена Егоровна аҕата Егор Махаабыт 1841 сыллаах төрүөх. Нэһилиэгэр староста, старшина эбит уонна атыынан дьарыктаммыт баай киһи. Егор Махаабыт аҕата Хрисанф оспа, чума ыарыытыттан сиртэн сүппүт Зашиверскай куораттан убайын кытта икки буолан тыыннаах хаалбыттар.

Елена Егоровна сүктэн кэлбит таҥаһын, атын киэргэллэрин 7 оҕотугар биирдии бэйэлэригэр бэлэх ууммут. Оттон бу чаппарааҕы уонна кычымы Елена Егоровна уолугар Алексей Александровичка, Саха сирин суруйааччыларын союһун чилиэнэ, бэлэх хаалларбыт. Билигин бу чаппарааҕы Алексей Александрович кыыһа Саргылана Алексеевна Шадрина көрөн-харайан, дьиэтин аттыгар баар музейга ууран сытыарар.

Чаппараах оҥоһуутун болҕойон көрдөххө чаппараах хас биирдии тимирэ тус-туспа харысхал бэлиэлэрдээх.

Бу киэргэллэр сүктэр кыыс киэнэ буоланнар, эр киһи олороро көҥүллэммэт эбит. Ыһыахтарга уларса сылдьан сыыһа гыммыт эбиппит диэн Саргылана санаатын үллэстэр.